العندليب
عدد المساهمات : 26
تاريخ التسجيل : 24/09/2010
 |  موضوع: خطيبك (حبيبك) على ما تسستميه ان هنج رستريه..وان مااستحملش الفيستا ... ترجعى الاكس بى  الجمعة 24 سبتمبر - 11:33 | |
| التـُقـل صـنعــة[ندعوك للتسجيل في المنتدى أو التعريف بنفسك لمعاينة هذه الصورة] كانوا حكيمات العائلة قديما يقولوا ( التقل صنعة) .. و (خطيبك علي ماتسستميه .. إن هنج رستريه.. وإن ما استحملش الفيستا .. رجعي الاكس بي) ..[ندعوك للتسجيل في المنتدى أو التعريف بنفسك لمعاينة هذه الصورة] ولانه صنعة مش اي كلام ولسوء الحظ فانا لا اجيد فن الشد والجذب وللأسف اتعامل علي سجيتي فمن واقع تجارب البنات الفاشلة قولت اقولكم حكمة اليوم وهي التقل صنعة وظبطة ملح مايزيدش شعره ازاي ؟! اقولكم ازاي : [ندعوك للتسجيل في المنتدى أو التعريف بنفسك لمعاينة هذه الصورة] جواز صالونات والقدر اختارك والمأسوف علي شبابه دق علي بابك .. خليكي عاقلة وراسية [ندعوك للتسجيل في المنتدى أو التعريف بنفسك لمعاينة هذه الصورة]وما تقفشيش في رقبته وتقولي عريس يمَاي [ندعوك للتسجيل في المنتدى أو التعريف بنفسك لمعاينة هذه الصورة] لا اهدي كدا واعقلي وادرسيه وفى قعدة التعارف اسحبي لسانك ال عشرة متر لجوه .. واشتري ولا تبيعيش ..
يعني سيبيه يرغي وانتي ردي علي الاد بكل عقل وحكمة ورزانة وفى اخر القعدة قوليلهم ادوني مهلة شهر افكر حتى لو كنتي هتموتي عليه وعريس ما تحلميش بيه
زميلك في الشغل و انتص في نظره وجاي يقولك انا معجب بيكي .. برضو اعقلي واركزي وماتدلقيش من اولها وتقوليله وانا كمان .. لا لا .. بربرشي واذبهلي[ندعوك للتسجيل في المنتدى أو التعريف بنفسك لمعاينة هذه الصورة] واعملي نفسك مرتبكة واقوليله ايه ده انت فاجأتني
حتى لو كنتي انتي المخططة لشنكلته وبقالك سنة رايحة جاية تتلزقي فيه
ربنا كرمك واتخطبتي[ندعوك للتسجيل في المنتدى أو التعريف بنفسك لمعاينة هذه الصورة] هنا بقي تبدأ البرمجة اللغوية العصبية للمأسوف علي شبابه وده هتلاقيه بالتفصيل في كتاب (المرأة تصنع الرجال والعيال) للمفكرة العظيمة الست افكار حب البنت تكرفك اكرف البنت تحبك للحكيم تامر حسني ..[ندعوك للتسجيل في المنتدى أو التعريف بنفسك لمعاينة هذه الصورة] بصراحة المقولة ديه تنطبق علي الجنسين يا تامر يعني حبي الولد يكرفك اكرفي الولد يحبك .. وزي ما قالوا اجدادنا القط مابيحبش الا خنَاقه ..
فيأسفني ويحز في قلبي ان اعلن ان الجنس البشري جنس نمرود مابيجيش الا بالتطنيش والكرف[ندعوك للتسجيل في المنتدى أو التعريف بنفسك لمعاينة هذه الصورة] لكن اظهار المحبة والمودة والتفاني في الحب والاخلاص بيجيب نتايج عكسية جدا .. فنصيحتي حبيه ولكن بعقل وماتمحيش شخصيتك وتقضي علي نفسك علشان واحد في الاخر مش هيعترف بكل تضحياتك ديه ولا هيحس بيها وهيجري ورا واحدة تديه بالشوز لان زي ما قولنا القط مابيحبش الا خنَاقه[ندعوك للتسجيل في المنتدى أو التعريف بنفسك لمعاينة هذه الصورة] البنت زي طابع البوسطة تتف عليها تلزق اكتر لكن الراجل زي (التفة) يفضل يتلزق في البنت لغاية ما ينشف ..(سمعاكم بتقولوا ايه القرف دة)[ندعوك للتسجيل في المنتدى أو التعريف بنفسك لمعاينة هذه الصورة]
احب اوضح الخطأ العلمي لهذه المقولة لان الطابع بيتلحس مش بيتف عليه وممكن تبلل صوباعك او سفنجة بميه الشرب وتمرره عليه
اما الشق التاني فهو صحيح جدا ولكن في حالة واحدة ان انتي تبقي كرفاه ومدياله بالشوز في الحالة ديه هيفضل يتلزق لحد ما ينول مراده بعدين هو اللي هيرميكي وزي ما البـُعدا بيقولوا
(البنت زي السيجارة تنباس وتنداس)
فلو مش عايزة تنداسي يبقي ايه ؟! (........) [ندعوك للتسجيل في المنتدى أو التعريف بنفسك لمعاينة هذه الصورة] بالظبط كدا .
هوي علي الفحم من بعيد لحد ما يولع .. وهدى النار ع الرز واوعي ليشيط ..
كلمات تؤكد ان التقل صنعة ولو زادت النار ع الفحم هيبقي رماد والرز هيشيط ولو قلت الفحم هيبقي بارد والرز هيبقي ني ..
يبقى لازم تتقني الصنعة وتحترفي الشد والجذب ولا للدلدقة
المأسوف علي شبابه بعتلك ايميل [ندعوك للتسجيل في المنتدى أو التعريف بنفسك لمعاينة هذه الصورة] او رسالة فى رجل حمامة كسيحة .. [ندعوك للتسجيل في المنتدى أو التعريف بنفسك لمعاينة هذه الصورة]عرفاكي هتتسرعي وتقرأي الرسالة ماشي هعديهالك اقرأيها وبعدين خدي نفس عميق وامسكي الرسالة عديها كام سطر وردي بربع عدد الاسطر اللي في رسالته [ندعوك للتسجيل في المنتدى أو التعريف بنفسك لمعاينة هذه الصورة]وافتكري النصيحة السابقة هوي علي الفحم من بعيد لحد ما يولع لوحده..
وما ترديش في نفس اليوم ليقول عليكي هتموتي عليه لا طنشيه اسبوع وبعدين ردي عليه
التليفون والموبايل ..
اوعى تتصلي بيه ماعندناش بنات بيتصلوا بحد .. خليه هو يتصل على الموبايل علشان تخربي بيته فواتير و عيشيه في جو الرعب وانك خايفة مامتك تقفشك و بعدين قوليله ماما جت ماما جت واقفلي فى وشه علشان يحس بكم المعاناة والتضحية اللي بتقديمها علشان تردي عليه [ندعوك للتسجيل في المنتدى أو التعريف بنفسك لمعاينة هذه الصورة]
(الكلام ده مع خطيبك او مع جوزك .. خصوصا جوزك ماتخرجيش معاه الا لما تتصلي بباباكي تاخدي الاذن .. هيقدرك جدا ويعرف اد ايه انتي متربيه .. وهيبعتك لباباكي بورقة شكر مزيَـلة بعبارة بنتك طالق ..[ندعوك للتسجيل في المنتدى أو التعريف بنفسك لمعاينة هذه الصورة] قبل كدا مافيش كلام خالص في تليفونات او موبايلات ولا خروجات) و اوعي تردي من اول رنة .. سيبيه يتصل 5 مرات .. وردي عليه بميسد كول (رنة واحدة بس) ولما يكلمك قوليله ما سمعتش الموبايل علشان كنت سرحانه بفكر فيك .. هينسي حرقة دمه طول النهار [ندعوك للتسجيل في المنتدى أو التعريف بنفسك لمعاينة هذه الصورة].. وكانك دلقتي جردل ميه علي نار مولعة فهيتش ويبلعها وهو ساكت
عايزة الخطوبة تقصر وصى اهلك يخنقوا عليه .. مافيش خروجات ولا تليفونات .. انتي بنت من عائلة ومالكيش في السرمحة في االشوارع ولا الرغي في التليفونات .. هي زيارة اسبوعية في البيت ويجي اخوكي يكبس علي انفاسه .. وانتي عيشي في دور البريئة وان دول اهلك وانك ما تقدريش تعصيهم ولو عليكي عايزة تعملي اي حاجة تسعده بس ما باليد حيلة وشوية دموع تماسيحية [ندعوك للتسجيل في المنتدى أو التعريف بنفسك لمعاينة هذه الصورة]هتلاقيه مااستحملش وقالك احنا نقصر ونتجوز[ندعوك للتسجيل في المنتدى أو التعريف بنفسك لمعاينة هذه الصورة] ..اما لو من اياهم فهيطفش وده احدفى وراه قلة ..[ندعوك للتسجيل في المنتدى أو التعريف بنفسك لمعاينة هذه الصورة]
ملحوظة : الموضوع قد يبدو غريب لكن الاغرب انه حقيقي وواقعي جدا [ندعوك للتسجيل في المنتدى أو التعريف بنفسك لمعاينة هذه الصورة]والافعال ديه مجربة من دواهي النساء و النتايج ممتازة .. وده ان دل علي شيء فيدل علي اننا في زمن غريب وافراده فقدوا التمييز والفطرة السليمة .. واصبحت العلاقة السوية الناضجة اللي يسودها التفاهم والاهتمام المتبادل علاقة مملة .. لكن العلاقة الاكشن علي غرار الافلام العربي الهابطة و حيل والاعيب المراهقين بقت هي النموذج الامثل والمرغوب فيه من الطرفين.
وانا مش مسئول عن تطبيق احدى هذة النصائح
ماليش دعوة لو جابت نتائج عكسية
العيب منك انتى معرفتيش تعملى النصائح دى بدقة
[ندعوك للتسجيل في المنتدى أو التعريف بنفسك لمعاينة هذه الصورة]
مستني الردود الجااااااااااااااامده | |
|
